ƏLVİDA

Əlvida deməyə nə tez tələsdin.

Hələ yaşanmamış hisslər qalmışdı

Söylə mənim ilə nə idi qəsdin?

Taleyin işinə niyə qarışdın?

Bəlkə sənin ilə xoşbəxt olacaqdım

Bəlkə də yenidən doğulacaqdım.

Bəlkə də qismətə qarşı çıxaraq

Taleyimi mən başdan yazacaqdım.

İndi söylə mən necə unudum səni?

Həyatımda yeni vərəqmi açım?

Sənsiz bu kainat dar gəlir mənə

Heç özüm bilmirəm hayana qaçım...