Nə SƏN səsin çıxart,nə MƏN danışım

Nə SƏN səsin çıxart,nə MƏN danışım,
Sözlər havadaca asılı qalsın.
Hər şeyi anlatsın məsum baxışım,
Dilin əvəzinə gözlər danışsın.

Dərindən köks ötür bilim darıxdın
Bu axşam anaraq mənli günləri.
Qəlbinə buz kimi soyuq daş basdın,
Kimsə sevməyəcək sənintək məni.

Darıxma, gələcəm bir gün yanına,
Alovtək saracam dörd bir yanını.
Zəhərtək hopacam sənin qanına
Əzrayıla buraxmam bil ki canını.