SEVİLMƏK GÖZƏLMİŞ

Yenidən sevilmək necə gözəlmiş,

Daim hiss edirsən hərarətini

Tək beynində deyil, ürəyində də

Hiss edə bilirsən öz qüdrətini.

Ürəyinə hakim kəsildiyini

Biləndə sənə güc, qüvvə gəlir

Surətin önündə əyildiyini görmək

Sənə sonsuz zövq verir.

O səni izləyir, sənlə yaşayır

Səninlə başlayır hər sabahını

Səni unutmamaq üçün əlləşir,

Hər mahnı sözündə səni yaşadır.

O xəyallar qurur ümid edərək,

Geri dönməyəcəyini dəqiq bilərək.

Ömrünü yaşayır sakit, səssiszə

Sənin dərdindən bu yazıq bəndə...