ADİ İNSAN

Sən demə, məhəbbət deyilən sözü
İnsanlar boş yerdən çıxarıbdılar
Saqqıza dönübdür "sevirəm" sözü,
Paklığı günaha batırıbdılar.

Sevgi bir əriyən şama bənzəyir,
Azan tək axşamlar bizi səsləyir.
Sevənə olmayır bu həyat asan,
Çalış daim ondan  uzaq durasan.

Bu yola düşməyin hünər istəyir,
Dirənsən də səni o çəkir, inan.
Necə pərvanəni şam dəli edir,
Getmə üzərinə! Yanarsan, aman.
Sevməyi bacarmır hər adi insan.

.