CƏZA

Bir kərə əlindən tuta bilmədim,

Xəyalı dolandı daim yanımda.

Nə olsun gözünə baxa bilmədim,

Zəhərtək dolaşdı damarlarımda.

Xəyallar sarıdı dörd bir yanımı,

Cavabsız sevgiyə məhkum edildim.
Tanrım hakim olub verdi cəzamı
Çünki onun qədər birini sevdim.

O yaşayacaqdır məndən xəbərsiz,
Nələr çəkdiyimi bilməyəcəkdir.
Edam ediləcəm mən məhkəməsiz,
Dəfnimə, yasıma gəlməyəcəkdir.
Onu sevdiyimi bilməyəcəkdir.