Niyə, görəsən niyə, sən məni anmaz oldun?

Niyə, görəsən niyə, sən məni anmaz oldun?
Yoxsamı şeirlərim toxundu saf qəlbinə?
Yoxsa sən bu sevginin həsrətindən yoruldun,
Bəlkə də itirmisən inamını sevgiyə,
Unudursan sən məni, çox heyif, bilə-bilə.


Niyə, görəsən niyə, sən məni anmaz oldun?
Mən ki hələ də səni anıram hər nəfəsdə.
Sən mənim həm ruhuma, həm vücuduma hopdun.
Hər gün gözüm  yoldadı, qulağım qəfil səsdə...
Sənsiz qəlbim çırpınır quştək bağlı qəfəsdə...