NAĞIL QƏHRƏMANIM

Biriləri atadan, anadan yetim qalar

Mən səndən yetim qaldım, nağlımın qəhrəmanı.

Kimisi unudular, zamanla xatırlayar

Sən isə durdurmusan mənim üçün zamanı.

Kədərli baxışla ətrafı süzüb,

Hər an gözləyirəm o dönüşünü,

Kimsəsiz uşaqtək dodağın büzüb,

Duymaq istəmirsən o gülüşümü?

Mən isə nələrə ümid etmişdim,

Nağıl qəhrəmanım vəfasız çıxdı.

Gedəcəyini o vaxtdan sezmişdim,

Heyif, ümidlərim boşuna çıxdı.