BAŞQA DÜNYANIN SAKİNİ

Bir Başqa Dünyanın sakiniyəm mən,

Həyatı coşquyla yaşayanlardan.

Arzuyla, ümidlə yaşayıram mən

Hədəfim fərqlidir başqalarından.

Sevgimə azadlıq verənlərdənəm,

Quştək səmalarda pərvaz eyləsin.

Sevdimmi dəlicə sevənlərdənəm,

Çətin kimsə mənə naz-qəmzə etsin.

Ürəyi fəth etmək bir içimlik su,

Asandan asandır inanın mənə.

Sadəcə gərəkdir saf, təmiz duyğu,

Damla-damla dolsun sevən ürəyə.

Nə yaxşı ki, bu  cür gəldim dünyaya.
Bildiyimtək yozdum hər bir röyanı.
Başqa Dünya qurdum saxta dünyada,
Şirinə döndərdim acı hülyanı.